Фото: Принтскрин
Министерот за одбрана на Венецуела, Владимир Падрино Лопес, денеска изјави дека САД во текот на август драстично го зголемиле бројот на шпионски летови над територијата на неговата земја.
„Од секогаш имало извидувачки летови на американски воени авиони, но сега тие преминаа и на ноќни мисии, а во август обавештајните и извидувачки операции беа утројени,“ изјави генерал Падрино Лопес.
Вашингтон веќе распореди воени бродови во Карипското Море, што претседателот Николас Мадуро го оцени како „сериозна закана“. „Знаеме што прават, знаеме за нивното распоредување со цел да се сее војна на Карибите – војна што ние Венецуелците не ја сакаме, а не ја сакаат ниту народите на Карибите. Нема да паднеме во таа провокација,“ порача министерот за одбрана.
Министерот за надворешни работи на Венецуела, Иван Гил, исто така остро реагираше поради инцидентот во саботата, кога американски воен брод осум часа вршел контрола на венецуелски рибарски брод во територијалните води на земјата. „Таквите постапки ја загрозуваат безбедноста и мирот во Карибите,“ изјави тој.
САД го оправдуваат присуството на своите воени сили во Карипското Море со борбата против нарко-картелите, но потегот предизвика засилени тензии во односите со Венецуела.
Usa el botón de ME GUSTA si apoyas que el gobierno de Donald Trump BOMBARDEE al narco cartel de los Soles de Nicolás Maduro y Diosdado Cabello de manera fulminante, así se escondan en bunkers o fuertes militares.m en Venezuela. 🇻🇪🇺🇸 pic.twitter.com/4nZnd7XKn4
— Eduardo Menoni (@eduardomenoni) September 14, 2025
