Меџити за пожарот во Трубарево: Дозволата е издадена во 2021 година, истата важи 10 години

Пожарот што од вчера ја вознемирува скопската котлина избувнал во објект за рециклирање батерии и електронски отпад во Трубарево, потврдија надлежните служби.

Густ чад се ширеше кон пошироката околина, а локалното население алармираше на социјалните мрежи дека мирисот е силен и надалеку се чувствува. Екипите на Противпожарната бригада интервенираа со повеќе возила и по неколку часови успеаја да го стават огнот под контрола.

„Додека се чекаат резултатите, министерот апелираше до граѓаните да ги почитуваат препораките на надлежните институции за заштита на здравјето. Тој исто така информираше дека компанијата во чиј објект избувна пожарот поседува важечка десетгодишна дозвола за работа, издадена во 2021 година“, кажа Изет Меџити.