Фото: Принтскрин
Организаторот на големиот протест во Лондон против имиграциската политика на британската влада, Томи Робинсон, се огласи на мрежата X околу бројката на учесници на собирот.
Според официјалните податоци на полицијата, на улиците излегле околу 110.000 луѓе, бројка што ја пренесоа и голем дел од британските медиуми. Сепак, Робинсон категорично не се согласува со оваа проценка и тврди дека станувало збор за далеку поголема маса.
Во својата објава, тој нагласи дека на протестот имало дури три милиони демонстранти, а како доказ сподели снимка направена од хеликоптер на весникот Guardian, на која, како што вели, се гледа „река од луѓе“ низ лондонските улици.
„Хеликоптерот прикажува милиони собрани патриоти. Guardian денеска извести дека имало ‘110.000’ луѓе, но токму нивниот хеликоптер јасно покажа дека станува збор за милиони. Традиционалните медиуми повторно докажуваат дека без двоумење ќе ве лажат заради сопствените интереси. Ова е причината зошто никој повеќе не им верува. Ние сега сме медиумите,“ напиша Робинсон.
The guardian reported "110k" at our London rally today.
— Tommy Robinson 🇬🇧 (@TRobinsonNewEra) September 13, 2025
Yet, literally had their own helicopter showing the millions of patriots 🤡
Legacy media proving again they'll just lie to your face for their own agenda.
This is why nobody trusts them.
We are the media now. pic.twitter.com/s0yOh2NEfe
