Четири лица завршија во болница: Жителка на Трубарево, војник, полицаец и директорот на ЦУК

Министерот за здравство, Азир Алиу, денеска пред Клиниката за токсикологија информираше дека во моментов во болница останува само една пациентка, жителка на Трубарево која живеела во непосредна близина на местото на пожарот. Другите три лица (војник, полицаец и директор на ЦУК) кои беа хоспитализирани веќе се на домашно лекување и нивната состојба е стабилна.

Алиу истакна дека лекарска помош побарал и директорот на ЦУК, Мухамед Али, кој бил подложен на прегледи поради изложеност на чадот и токсичните испарувања.

„Од вчера Министерството за здравство формираше кризен штаб кој постојано ја следи ситуацијата со пожарот во Трубарево од здравствен аспект. Четири лица се примени во болница, тројца веќе се на домашно лекување, а четвртиот пациент останува во Клиниката за токсикологија и неговата состојба не е животно загрозувачка. Се спроведуваат сите неопходни испитувања, и очекуваме пациентот наскоро да биде пуштен дома,“ изјави министерот.