Фото: ТикТок
Партнерот на осомничениот за убиството на Чарли Кирк, кој според информациите е во процес на промена на пол, објавил порака на интернет со која, како што се чини, изразил поддршка за американскиот претседател Џо Бајден, објави „Дејли Мејл“.
Станува збор за Ланс Твигс (22), гејмер и цимер на главниот осомничен, Тајлер Робинсон (22). Твигс користел повеќе кориснички имиња на социјалните мрежи, меѓу кои „lancelotte“ на Инстаграм, а на гејминг платформите неговиот профил бил активен под името „fluxalotl“. Според пишувањата, порано користел варијанти како „lancelott3“, а на листата пријатели му бил и „Craftin247“, профил поврзан со осомничениот Робинсон.
На Reddit, профилот со името „lancelott3“ бил особено активен во групи за трансродни прашања. Во една дискусија, корисникот споменал дека е од Јута, а во друга заедница за поранешни христијани напишал дека бил исфрлен од дома по само половина час, откако одбил да оди кај поп за благослов и почнал да се смее, иако му било кажано дека е „опседнат од демон“.
Истиот профил, пред една година, споделил и искуства поврзани со употреба на лекови за забавување на растот на брада и оформување на колкови, што дополнително го поврзува со процесот на транзиција.
Најмногу внимание привлекол неговиот коментар на Reddit страницата „Love for Landlords“, каде што корисниците најчесто оставаат иронични објави за поддршка на станодавачите. Тогаш Твигс напишал: „Ние сме со Бајден на овој славен сабредит“, што медиумите го протолкуваа како израз на симпатии кон актуелниот американски претседател.
Целиот текст го има на „Дејли Мејл“.
