Фото: Принтскрин
Граѓанската иницијатива „Стоп за Вардариште“ најави дека во понеделник ќе одржи уште еден протест, овојпат во утринските часови.
Демонстрацијата ќе започне во 07:30 часот, а како форма на притисок ќе биде изведена блокада на мостот „Близнаци“, кој ги поврзува општините Аеродром и Гази Баба.
Од движењето посочуваат дека ваквиот потег е резултат на, како што велат, негрижата на надлежните институции и игнорирањето на нивните барања, и покрај сериозните последици што ги чувствуваат граѓаните од постојаното загадување.
