Фото: Принтскрин
Руско беспилотно летало денеска навлезе во воздушниот простор на Романија, по што романските власти алармираа и итно подигнаа борбени авиони, пренесуваат повеќе меѓународни медиуми.
Според информациите, војската успешно собори ирански дрон од типот „Шахид“ кој дошол од правец на Одеска област во Украина, што претставува уште еден сериозен инцидент со прелевање на војната преку границите на НАТО. Настанот дополнително ги зголеми регионалните тензии и ја стави Романија во фокусот на вниманието.
Навлегувањето на дронот предизвика издавање на предупредувања за вонредна состојба во областа Тулча, каде властите ги советуваа жителите да се засолнат во подруми и заштитни објекти поради ризик од паѓање на остатоци од леталото. Во официјалните известувања упатени до цивилите се наведуваше дека опасноста може да трае најмалку 90 минути.
Романските борбени авиони Ф-16 го пресретнале и уништиле дронот веднаш по неговото преминување на територијата, со што спречиле потенцијално поголеми последици.
🚨🔴✈️ Just in: F-16s roar over Tulcea County skies after reports of a Russian drone breaching Romanian airspace. NATO’s shield in action right at the border. 🇷🇴⚡️ #F16 #Romania #NATO #Tulcea pic.twitter.com/Nnxwxk0ENN
— THE UNKNOWN MAN (@Theunk13) September 13, 2025
