Фото: Принтскрин
Трагедија во Грција – во четвртокот наутро, 11 септември, животот го загуби 23-годишната Марија Л., девојка со српско потекло. Несреќата се случила околу пет часот наутро, кога таа со мотор се враќала дома од работа.
Според информациите од грчките медиуми, на моторот на младата девојка со огромна брзина налетал друг мотоцикл со кој управувал 27-годишен маж со египетско потекло. Подоцна е утврдено дека тој немал возачка дозвола и бил без соодветна документација за управување. Веднаш по судирот, осомничениот наводно се обидел да избега од местото, но бил приведен од полицијата. И самиот се здобил со повреди и бил пренесен во болница.
Силата на ударот била толку голема што, иако Марија носела заштитна кацига, таа им подлегнала на повредите на самото место.
