Професорот доктор Андон Чибишев предупредува дека симптоми како сувата кашлица, чешањето и солзењето на очите не се случајни, туку јасен показател за сериозно загадување на воздухот, кое ја зафаќа целата територија на главниот град.
„Во изминативе неколку дена живееме во гасна комора. Ако јас кој живеам во Порта Влае кое е добри десетина километри оддалечено од Вардариште и 30-ина километри оддалечено од Дрисла… низ целиот ден, особено навечер по заоѓање на сонцето во ноќните часови се чувствува еден одвратен непријатен мирис кој што иритира“, кажа д-р Чибишев.
