Фото: Принтскрин
Американскиот претседател Доналд Трамп гостуваше во утринската емисија „Fox & Friends“ на Fox News, каде што беше прашан за најновите информации поврзани со убиството на конзервативниот активист Чарли Кирк.
„Мислам дека со голема сигурност можам да кажам дека осомничениот е во притвор. Секако, работите може да се променат, но фактите се јасни – го имаме човекот што го бараме,“ изјави Трамп. Според него, осомничениот има 28 или 29 години.
Претседателот не откри детали за идентитетот, но најави дека во текот на денот ќе бидат објавени повеќе информации. Тој посочи дека слушнал за апсењето „пет минути пред да влезе во студиото“, додавајќи дека информацијата дошла од „многу близок“ човек до осомничениот.
„Се работи за свештеник кој го препознал осомничениот, потоа отишол кај неговиот татко, а таткото се обратил кај американските маршали. На крајот, токму таткото го убедил својот син да се предаде. Отидоа заедно во полициска станица и сега е таму,“ изјави Трамп.
BREAKING: President Trump on Charlie Kirk suspected assassin: "I think, with a high degree of certainty, we have him in custody." pic.twitter.com/wAAGegrrWI
— Fox News (@FoxNews) September 12, 2025
