Лина Ѓорческа со голем пресврт до четвртфинале во Букурешт

Најдобрата македонска тенисерка Лина Ѓорческа продолжува со одличната форма на турнирот во Букурешт, откако денеска избори пласман во четвртфиналето по тешка и драматична победа против Италијанката Наоми Базилети.

Нашата тенисерка славеше со 2-1 во сетови (3-6, 6-3, 6-4) и уште еднаш покажа голема ментална сила и борбен дух.

Со овој триумф, Ѓорческа обезбеди место меѓу најдобрите осум на турнирот и уште еднаш потврди дека се наоѓа во одлична форма, откако претходно освои титула во Романија.