Фото: Принтскрин
На снимката се гледа дека Тијана Р. за време на возењето била подигната на височина што не може точно да се процени, но изгледа дека е поголема од 50 метри, како што првично тврдеа од агенцијата за парасејлинг. Потсетуваме, тие ја ангажирале настраданата новосадјанка за снимање на рекламно видео и при тоа ѝ овозможиле промотивно возење, за време на кое трагично загина во Будва.
– Ало! – викала Тијана.
– Ох, што е ова?! Сакам назад! Колку е ова страшно – вриштела тинејџерката, мафтајќи со рака кон камерата и удирајќи со нозете.
– Ало, сакам назад! Ве молам, сакам назад, ова е премногу страшно – продолжила да вика Тијана низ плач.
Своето внимание постојано се обидувала да го насочи кон мажите во глисерот кој го влечел падобранот и седиштето на кое таа се наоѓала.
– Назад! – молела, а потоа почнала да го откопчува сигурносниот појас, најверојатно од страв за сопствениот живот, бидејќи на таа огромна височина се чувствувала загрозено.
Несреќната девојка, откако се откопчала, се обидела со раце да се задржи за јажето на седиштето, но тоа ѝ се лизнало од рацете и со силен врисок таа паднала.
На видеото, во кое „Блиц“ имал увид, се гледа дека празното седиште продолжило да се влече уште неколку минути, иако Тијана Р. веќе не била во него.
Видеото и целиот текст може да се прочитаат ТУКА.
