Фото: Принтскрин
Премиерот Христијан Мицкоски откри преку својот Инстаграм-профил дека заедно со своите синови, Јован и Антониј, заминал во Будимпешта.
Семејната посета ќе трае два дена, а врв на патувањето ќе биде присуството на фудбалскиот дуел меѓу репрезентациите на Унгарија и Португалија, кој се игра утре во рамки на квалификациите за Светското првенство 2026 година.
„Ретко сме заедно, уште поретко имам прилика да ја исполнам нивната желба. Овој пат ден поминат со Јован и Антониј. Заедно тројцата во Будимпешта, му ветив на Антониј дека ќе го гледаме Роналдо, а утре Португалија и гостува на Унгарија во Будимпешта. На поканата на мојот драг пријател Виктор Орбан го имам задоволството да ги поминам овие два дена со Јован и Антониј во Будимпешта. Се гледаме во среда кај Боби во Гази Баба на настан. Вечна Македонија“, напиша премиерот.
