Фото: Принтскрин
Десетици илјади верници се собраа на плоштадот „Свети Петар“ во Ватикан за историскиот настан – канонизацијата на италијанскиот тинејџер Карло Акутис. Младиот католик, кој почина од леукемија во 2006 година на само 15 години, е прогласен за прв милениумски светец на Црквата. Папата Лав XIV ја изврши церемонијата, а толпата го пречека со долги аплаузи и овации.
Карло Акутис, познат како „Божји инфлуенсер“, стана симбол на младинскиот дух и модерната вера преку неговата посветеност на ширење на католичката вера преку интернет и дигитални платформи.
Околу 800 верници пристигнаа со специјален воз од Асизи, каде што се наоѓа телото на светецот, изложено во стаклена гробница. Акутис е прикажан облечен во секојдневни облеки – фармерки и патики „Најк“, симбол на неговата блискост до младите. Мисата беше пренесена и на големи екрани во Асизи, град со средновековна архитектура кој е центар за поклонение во срцето на Умбрија.
#CarloAcutis e Pier Giorgio #Frassati são santos!
— Vatican News (@vaticannews_pt) September 7, 2025
Eis o momento em que o #PapaLeãoXIV lê em latim a fórmula de canonização. pic.twitter.com/nBuaztWsSH
