Фото: Принтскрин
Продолжениот викенд повторно предизвика поголеми гужви на граничните премини во земјава. Според информациите на Авто мото сојузот на Македонија (АМСМ), утринава на преминот Табановце, на границата со Србија, патниците чекале околу половина час за влез и излез од државата.
Најголеми колони се забележани на преминот Богородица кон Грција, каде што времето на чекање за излез од земјата се движи од 40 минути до еден час. Ова е втор ден по ред како граѓаните се соочуваат со поголеми задржувања, особено на патот кон туристичките дестинации во соседна Грција.
Од АМСМ информираат дека на останатите гранични премини со Албанија, Бугарија и Косово сообраќајот се одвива без поголеми застои и задржувања.
