Четворица пожарникари повредени во пожарот во фабриката во Виница

Според првични и неофицијални информации од терен, најмалку четворица припадници на противпожарните екипи се здобиле со повреди во моментот кога дел од нив останале заглавени во стопена маса од шеќер што истекувала од погонот на „Винчини“.

Пожарникари од неколку градови учествуваа во гаснењето на огнените јазици кои ја зафатија фабриката, а повредените пожарникари се пренесени во болница.

„Во Винчини опожарени се три линии означени како 6, 7 и 8 (од кои два магацини), сите имале сончеви панели на покривот. Спасени се линиите од 1 до 5. Пожарот е под целосна контрола. Во гаснењето учествуваа пожарникари од ТППЕ Виница, Македонска Каменица, Делчево, Кочани, Пробиштип, Штип, Струмица, Кавадарци и Велес.
Неколку пожарникари се здобиле со изгореници на стапалата откако се заглавиле во смола од стопен шеќер во еден од погоните. При обидот да ги одглават стопалата чизмите им останале во стопениот шеќер и згаснале во стопената смеса“, објави директорот на ДЗС, Стојанче Ангелов.