Османи вети бесплатни возачки дозволи за најуспешните млади од Чаир

Кандидатот за градоначалник на општина Чаир од редовите на ДУИ, Бујар Османи, најави нова мерка насочена кон младите – општината целосно ќе ги покрива трошоците за возачка дозвола за оние кои ќе постигнат врвни резултати во образованието, науката или на меѓународни и домашни натпревари.

Ова ветување е дел од неговиот нов проект под слоганот „Ти зборуваш, Чаир се менува: Кутија на проблемите во Чаир“, чија цел, како што истакна, е институционално да се насочи и поддржи енергијата на младите луѓе. Османи потсети дека токму младата популација претставува речиси половина од жителите на Чаир – околу 47%.

– Студенти со просечна оценка 10.00;

– Ученици кои ќе освојат прво, второ или трето место на државни натпревари;

– Млади кои ќе добијат меѓународни признанија.