(Видео) Сад и Венецуела ја „спукаа“: Трамп се закани со рушење на авиони, Мадуро му одговори жестоко

Тензиите меѓу Вашингтон и Каракас повторно ескалираа, откако американскиот претседател Доналд Трамп предупреди дека американската армија ќе собори венецуелски воени авиони доколку повторно се приближат до американските бродови во Карипското Море. Истовремено, дипломатски извори од САД не ја исклучуваат можноста за директни напади врз воени цели во Венецуела, објави Би-Би-Си.

Венецуелскиот лидер Николас Мадуро одговори со остар тон, најавувајќи дека секоја евентуална агресија ќе предизвика „организирана вооружена борба на целиот народ“. Тој соопшти и дека започнува нова фаза на обука на милицијата во која ќе биде вклучено и цивилното население. „Ќе го браниме мирот, територијалниот интегритет и суверенитетот на нашата земја“, порача Мадуро.

Во телевизиско обраќање, тој покажа дијаграм за нивото на подготвеност на вооружените сили, истакнувајќи дека Венецуела моментално е во „жолта фаза на интегрирана одбрана“, односно фаза на ненасилна борба преку политички, дипломатски и информативни средства. „Лажеа за Ирак и оружјето за масовно уништување, сега лажат и за нас“, рече Мадуро, обвинувајќи дека Вашингтон подготвува конфликт врз основа на лажни изговори.

Ситуацијата дополнително се заостри по последниот инцидент во кој американската морнарица потопи брод што, според тврдењата на САД, превезувал дрога од Венецуела. Во нападот загинаа 11 лица, а операцијата, како што беше потврдено, била лично наредена од претседателот Трамп.

Државниот секретар на САД, Марко Рубио, предупреди дека ваквите акции ќе продолжат.

BREAKING NEWS: President Trump publishes video images of the US army carrying out an attack on a ship carrying drugs from Venezuela.

I don’t know the real information of all this and possibly all this is false but I can’t deny that I’m starting to believe that Maduro is a drug… pic.twitter.com/Jae0VwbPTH

— GG (@LuillyDRR) September 2, 2025

Venezuelan President Maduro:

It wasn’t true that there were weapons of mass destruction in Iraq, and what they’re saying about Venezuela isn’t true either.pic.twitter.com/lmqS0pGCG5

— Clash Report (@clashreport) September 6, 2025