(Видео) Нова снимка од пожарот во Виница – пламените јазици ја „голтаат“ фабриката

Вечерва Центарот за управување со кризи (ЦУК) објави детали за големиот пожар што избувна во Виница, потврдувајќи дека огнот го зафати делот со магацини и производствени погони на фабриката за кондиторски производи „Винчини“, која е дел од компанијата „Макпрогрес“.

Состојбата е сериозна, поради што ЦУК му дал насока на градоначалникот на Виница да иницира итна помош од соседните општини. На терен веќе се ангажирани сите расположливи противпожарни екипи од Виница и Кочани, вклучително и доброволните противпожарни друштва, со цел да се спречи понатамошно ширење на пожарот.

„Голем пожар изби во фабриката ‘Макпрогрес’, позната по брендот ‘Винчини’. Во моментов со огнот е зафатен еден погон а локалните винички пожарникари со подршка на пожарникари од Кочани се обидуваат да го спречат ширењето на огнот кон останатите погони. На помош тргнаа пожарникари од Штип, Св. Николе, Струмица и Пробиштип“, вели директорот на ДЗС, Стојанче Ангелов.