На почетокот на новата учебна година, седмоодделенците во ООУ „Ѓорѓија Пулевски“ се приморани да следат настава во подрумски простории кои се во лоша состојба – со висока влажност, непријатен мирис и речиси без природна светлина.
Родители алармираат дека некои ученици доживеале гадење и повраќање поради несоодветните услови. Просториите се недостоинствени не само за учење, туку дури ни за затворски простории, што буди загриженост за безбедноста и здравјето на децата.
Оваа ситуација ја истакнува одговорноста на локалната власт, која мора да обезбеди соодветни услови за образование. Ваквиот третман на најмладите не е само здравствен ризик, туку и психолошки товар. Дополнително, пред четири години ДПМНЕ најавија целосна реконструкција на училиштата во Општина Аеродром, која, според сега виденото, остана неисполнета.
Левица – Аеродром повикува на итно решавање на проблемот: преместување на учениците во соодветни училници и обезбедување услови кои се достојни за секое дете. Образованието во Општина Аеродром мора да се одвива во безбедни и здрави простории.
Фото: Левица – Аеродром
