Фото: Принтскрин
Претседателката на Европската комисија, Урсула фон дер Лајен, предизвика силни реакции викендов откако изјави дека плановите за распоредување европски трупи во Украина, како дел од идните постконфликтни безбедносни гаранции, се веќе „доволно конкретни“.
„Имаме јасна мапа на патот, постигнавме договор и во Белата куќа… Работата напредува многу добро,“ изјави фон дер Лајен за Фајненшл тајмс, во интервју објавено во неделата.
Нејзините зборови предизвикаа изненадување во европската јавност, имајќи предвид дека досега прашањето за евентуално распоредување војници беше обвиено со голема неизвесност. Веднаш потоа пристигнаа и првите реакции од земјите-членки на ЕУ, меѓу кои и Германија.
„За вакви теми не се излегува во јавност пред да се седне на преговарачка маса со сите засегнати страни кои имаат право на збор,“ изјави видно револтираниот германски министер за одбрана, Борис Писториус.
