Го фатија со пари во раце, ама вели дека не бил виновен: Директорот на Геријатрија не чувствува вина за примањето поткуп

Поранешниот директор на Геријатрија, Мухсин Арифи, заедно со негувателот Блерим Амити, денеска се појавија пред Кривичниот суд каде што изјавија дека не се чувствуваат виновни за обвиненијата дека примиле мито во износ од 20 илјади евра за обезбедување место за пациентка во специјализираната болница.

Според обвинителниот акт, Арифи наводно побарал паричен износ како гаранција за да ѝ обезбеди прием на 42-годишна пациентка која се наоѓала во сериозна здравствена состојба. Амити, пак, се јавил како посредник во предавањето на парите и бил затекнат од полицијата при самото примопредавање.

Случајот предизвика големо внимание во јавноста бидејќи се однесува на злоупотреба во здравствениот систем.