„Од земја со криминал и корупција до економска стабилност и раст“, вели Мицкоски

Премиерот Христијан Мицкоски изјави дека континуираниот пораст на индустриското производство претставува охрабрувачки сигнал за македонската економија и нејзиниот понатамошен развој.

Според најновите статистички податоци за јули 2025 година, вкупното индустриско производство бележи раст од 4,1 проценти во однос на истиот месец минатата година. Најголем придонес во овој тренд има преработувачката индустрија, која како еден од клучните двигатели на економијата, остварила пораст од дури 7 проценти.

„Расте бројот на туристи и ноќевањата, бруто-домашниот производ, цената на откуп на земјоделските производи, градежништвото, трговијата и други сектори. Од земја со секојдневен криминал и корупција, сега сме земја на економски раст, победи и стабилност“, објави Мицкоски.