Зеленски најави жестока одмазда кон Русија по новите напади во Украина

Руски беспилотни летала ноќеска извршија масовни напади врз енергетски капацитети во северните и јужните региони на Украина, при што без електрична енергија останаа речиси 60.000 домаќинства и компании. Како реакција на тоа, украинскиот претседател Володимир Зеленски најави дека Киев ќе возврати со нови офанзивни удари насочени длабоко во руската територија.

Војната која трае повеќе од три и пол години доби нов интензитет во последниот период, откако двете страни значително ги засилија воздушните операции. Москва се фокусира на уништување на енергетската мрежа, транспортните линии и дел од цивилната инфраструктура на Украина, додека Киев возвраќа со напади врз руски нафтени рафинерии, складишта и гасоводи, со цел да ја наруши економијата и снабдувањето на Русија.

„Ќе продолжиме со нашите активни операции токму онака како што е потребно за одбраната на Украина. Планирани се и нови длабоки удари“, напиша Зеленски.