Фото: Принтскрин
На социјалните мрежи се појавија снимки од Котор, направени непосредно по вооружениот инцидент во кој животот го загуби Р.К., познат под прекарот Месар, за кого се тврди дека бил дел од озлогласениот „шкаљарски клан“.
Според извештаите на црногорските медиуми, пукањето се случило пред неговата семејна куќа во местото Златне њиве во Котор. На видео-снимките од местото на настанот се гледа голема гужва од луѓе, како и силно полициско присуство.
Набргу по злосторството, во градот настанал сообраќаен хаос. Сообраќајниот колапс бил најизразен кај кружниот тек во близина на населбата Шкаљари, каде што заглавиле бројни возила.
Од Управата на полицијата на Црна Гора потврдија дека Р.К. подлегнал на повредите во Општата болница во Котор.
Неговиот идентитет одамна бил познат на безбедносните служби, кои неофицијално го воделе како припадник на „шкаљарскиот клан“.
