Фото: Принтскрин
Русија во текот на ноќта изведе еден од најжестоките напади врз Украина од почетокот на војната, соопштија украинските власти. Според податоците на воздушните сили, вкупно биле испалени 629 проектили и дронови – од кои 598 дронови и 31 ракета – на 13 локации низ земјата.
Киев беше меѓу метите, а властите нападот врз главниот град го опишаа како „масовен“. Армијата тврди дека биле соборени 563 дрона и 26 ракети, додека остатоци паднале на 26 различни места.
„Уште еден брутален напад на Русија, уште една цивилна жртва, меѓу загинатите има и деца“, соопштија воздушните сили. „Изразуваме искрено сочувство до семејствата кои ги изгубија своите најблиски. Руските воени злосторници сигурно ќе бидат казнети“, се додава во соопштението.
Спасувачите во Киев извлекле нови тела од урнатините на станбена зграда, па бројот на загинати се искачи на 13, објави Државната служба за вонредни ситуации на Украина.
