Фото: Принтскрин
Во раните утрински часови денеска во Кавадарци се случи трагичен инцидент во кој животот го загуби маж роден во 1982 година. Настанот се одиграл пред едно локално казино, каде што според првичните информации дошло до жестока тепачка која завршила со смртни последици.
Раководителот на Службата за итна медицинска помош во Кавадарци, д-р Антоан Паракеов, за МИА потврди дека нивна екипа веднаш излегла на терен по добиениот повик.
„Точно е, имаше убиство при тепачка, утринава околу пет часот, пред казино. Станува збор за смртоносни повреди на глава. Наша екипа доби повик и веднаш беше на лице место, но, констатира дека лицето беше починато, без знаци на живот“, појасни докторот за МИА.
