Посмртните останки на Душко Чифлиганец ќе бидат изложени во храмот „Свети Јован Крстител“ во Аеродром

Групацијата „Адора“ со длабока тага информира дека денес ќе започне погребната церемонија за трагично починатиот млад бизнисмен Душко Чифлиганец, кој го загуби животот за време на мототрка во Чешка.

Посмртните останки ќе бидат изложени од 14 часот во храмот „Св. Јован Крстител“ во скопската населба Аеродром – храм чиј ктитор е токму семејството Чифлиганец.

Опелото ќе го води Архиепископот охридски и македонски г.г. Стефан, поглавар на Македонската православна црква – Охридска архиепископија.