Фото: Принтскрин
Македонија се наоѓа на солидна позиција кога минималната плата се споредува со трошоците за живот, покажуваат податоците од независната аналитичка организација „Фајненс тинк“.
Премиерот Христијан Мицкоски, одговарајќи на пратеничко прашање во Собранието, се повика на анализата и истакна дека според оваа споредба, Македонија има подобра позиција од неколку земји членки на ЕУ и регионот.
„Македонија стои подобро од земји како Португалија, Грција, Црна Гора, Кипар, Малта, Албанија, Србија, Унгарија, Чешка, Бугарија, Латвија и Естонија кога станува збор за односот меѓу минималната плата и трошоците на живот“, изјави Мицкоски.
Според него, доколку се направи споредбена скала, земјава се позиционира во средината помеѓу Германија, која има највисоко ниво на сооднос, и Албанија, која се наоѓа на дното на листата.
