Фото: Принтскрин/Д-р Ненад Лазаров
Специјалистот по гинекологија и акушерство, д-р Ненад Лазаров, упати остар јавен повик до институциите за итно преземање мерки поради сомнителна хуманитарна акција која кружи на социјалните мрежи и, според достапните информации, досега собрала над 250.000 евра.
Преку објава на својот Фејсбук профил, д-р Лазаров апелираше до јавноста да биде крајно внимателна и да не подлегнува на емотивно набиени апели за помош за наводно болно дете по име Даниел. Тој укажа на сериозни индиции дека станува збор за манипулација и злоупотреба.
