Полицијата фати маж како пали оган во близина на автопатот Скопје – Тетово

Утрово, на 30 јули 2025 година, околу 08:00 часот, во Секторот за внатрешни работи Скопје било пријавено дека непознато лице подметнува пожар на автопатот Скопје – Тетово, веднаш по наплатната станица Глумово.

Полициски службеници веднаш реагирале и на терен го затекнале 59-годишниот Р.З. од селото Арнакија, општина Сарај, како пали отпад и сува вегетација во непосредна близина на штала со добиток, потврдија од надлежните служби.

Пожарот брзо се проширил, но благодарение на брзата интервенција на екипата од Противпожарната бригада на Град Скопје, истиот бил локализиран и целосно изгаснат пред да предизвика поголема материјална штета или да загрози животи.

Осомничениот е веднаш лишен од слобода и пренесен во полициска станица, каде што ќе биде задржан за понатамошна постапка.