Фото: Принтскрин
Македонскиот атлетичар Андреас Трајковски освои бронзен медал во дисциплината скок во далечина на Балканското атлетско првенство што се одржа викендов во Волос, Грција.
Трајковски до одличниот резултат стигна во последната серија, остварувајќи скок од 7,77 метри, со што успеа да се искачи на победничкиот подиум во силна меѓународна конкуренција.
Златниот медал го освои домашниот миленик и еден од најдобрите светски атлетичари, Милтиадис Тентоглу од Грција, кој скокна 8,07 метри. Второто место и среброто му припадна на Бугаринот Божидар Сарабујуков, актуелниот светски првак во сала, кој забележа скок од 7,90 метри.
