Фото: Принтскрин
По изјавите на министерот за спорт, Борко Ристовски, поврзани со подготовките за Европската младинска олимпијада 2025, Град Скопје реагираше со остар демант.
Во соопштението што го објави, градските власти истакнуваат дека не само што не сносат одговорност за евентуалните пропусти, туку дека воопшто не биле вклучени во процесот на организација на овој значаен спортски настан.
„Град Скопје помогна Македонија и Скопје да бидат домаќини на Европската младинска олимпијада 2025.
Претседателот на Македонски олимписки комитет Даниел Димески веднаш потоа ОДЛУЧИ ДА ЈА ОРГАНИЗИРА СО МИНИСТЕРСТВОТО ЗА СПОРТ и настанот спротивно на стандадите скандалозно половина го однесе во Куманово.
Цела година МОК и Министерството за спорт ја организираат олимпијадата, Град Скопје беше целосно ИСКЛУЧЕН, НЕ ДОБИ НИТУ ПОКАНА ЗА ОТВАРАЊЕТО.
Откако не посрамија на меѓународна сцена, сега сакаат град Скопје да им е виновен за нивната неспособност.
Срамот е ваш, носете си го сами и сликајте се“, објави Арсовска.
