„Со кој памет сте донеле луѓе на плус 43 да чистат, а вие да се сликате?“: Бурни реакции по акцијата на скопското Кале

Акцијата за чистење на скопското Кале, во која учествуваа скопските градоначалници заедно со работниците на терен, предизвика бурни реакции во јавноста.

Причината за негодувањето кај дел од граѓаните беше тоа што генералката се одвиваше на отворено при екстремно високи температури.

„14 години е затворено Кале, денес, најтоплиот ден од годината, ги затегнале луѓето да го чистат, џанам од понеделник ако чистеа кога ќе се спушти температурата ќе имаше некоја разлика. Земете и вие чистете го Кале на пеколов па да има некоја логика, вака е само гол популизам пред избори. Ставете ги луѓето под клима, греота е ова, 42 степени се предвидени за денес, во сенка“, објави Ина Многуфина.