Фото: Принтскрин
Колона од околу дваесет возила, украсени со албански знамиња, во неделата ја поминала патарината кај Гостивар без да запре и без очигледно да плати патарина за секое возило поединечно, што предизвика бурни реакции во јавноста.
Како одговор на овие реакции и на објавеното видео што брзо се прошири на социјалните мрежи, Јавното претпријатие за државни патишта (ЈПДП) соопшти дека веднаш по инцидентот била спроведена внатрешна контрола. Според првичните наоди, првото возило во колоната уплатило надомест и за неколку возила зад него, но исто така е утврдено дека некои од останатите автомобили не платиле патарина.
„Веднаш по објавата на видеото директорот на ЈПДП даде итен налог за проверка. Контролата утврди дека само за неколку возила не е наплатена патарина. По целосно расветлување на случајот ќе следат мерки за утврдување на одговорност на вработените и дисциплински постапки“, наведуваат од претпријатието.
