Фото: Принтскрин
Премиерот Христијан Мицкоски се осврна на актуелната демографска состојба во земјата, истакнувајќи дека создавањето семејство и раѓањето деца претставуваат основа за зачувување на иднината на македонскиот народ.
„Некои можеби ќе ме прогласат и за конзервативен, некои можеби ќе ме прогласат за човек кој што можеби живее во минатото, но, јас мислам дека потомството, создавањето семејство и дечињата е патриотски чин и денеска така се брани иднината на Македонија и македонскиот народ. Ценам дека двојно зголемените бесплатни ин-витро процедури се во таа насока и тука не застануваме. Продолжуваме и понатаму. Во годината што следи ќе имаме многу поробусни акции кои што ќе значат подобрување на демографската слика во Македонија“, кажа Мицкоски.
