Фото: Принтскрин
Интересот за купување недвижности во Грција бележи постојан раст, а меѓу странските купувачи сè поистакнато место заземаат и граѓаните на Македонија.
Според податоците објавени од „Блумберг Адрија“, македонските државјани во изминатите пет години вложиле над 50 милиони евра во недвижности кај јужниот сосед.
Во 2024 година, Македонија се најде на 25. место на глобално ниво по вредноста на средствата инвестирани од нејзини граѓани во купување или изградба на недвижен имот во Грција.
Овие податоци сведочат за зголемениот интерес на македонските граѓани – не само за одмор покрај грчкото море, туку и за долгорочни инвестиции.
