Соња бара помош: Мојата сестра е исчезната, излезе од дома, по што ѝ се губи секоја трага

Семејството на Биљана Јандреска од Прилеп со голема загриженост апелира до јавноста за помош во пронаоѓањето на нивната најблиска, која е исчезната веќе повеќе од 24 часа. Нејзината сестра Соња Јандреска преку социјалните мрежи упати емотивна објава, молејќи за поддршка и информации.

Последен пат Биљана била видена во селото Крушеани, од каде заминала со своето возило – автомобил Audi A4 со регистарски таблички PP 7822AG, темно мастилна боја. Оттогаш, од неа нема никаква трага, а нејзиниот мобилен телефон е недостапен.

„Мојата сестра Биљана е исчезната веќе повеќе од 24 часа.

Последен пат е видена во С. Крушеани од каде заминала со својот автомобил Audi A4 со рег.таблици PP 7822AG темно мастилна боја. Од таму и се губи секоја трага и мобилниот и е недостапен.

Ве молам доколку некој ја забележи да ме контактира мене или некој од моето семејство.

Ве премолувам помагајте мојата сестра и мајката на Дори и Таиса да се врати жива“, објави Соња.