Фото: Принтскрин
Претседателот на ЗНАМ и актуелен градоначалник на Куманово, Максим Димитриевски, во своето гостување во емисијата „Вести плус“ на Канал 5 телевизија, го оцени едногодишниот мандат на коалициската Влада како стабилен и охрабрувачки, нагласувајќи дека државата се движи кон период на политичка и економска консолидација.
„Владата никогаш нема да дозволи да се погазиме самите себеси, да се откажеме од нашиот идентитет, јазик, култура и историја. Напротив, се работи на враќање на националното достоинство на секој Македонец и на секој граѓанин на оваа земја“, истакна Димитриевски.
Тој додаде дека за разлика од минатото, кога секојдневно се откриваа корупциски афери, денешната власт не е оптоварена ниту со еден крупен, па дури ниту со ситен скандал од таков карактер.
