Фото: Принтскрин
Во шокантен пресврт, американскиот хирург Мајкл Кирк Мур, кој беше осуден на 35 години затвор поради тоа што на деца им давал физиолошки раствор наместо вакцина против КОВИД-19 и издавал лажни потврди, е ослободен од сите обвиненија. Федералното обвинителство неочекувано го повлече случајот со образложение дека тоа е „во интерес на правдата“.
Според обвинението, д-р Мур издал над 1.900 лажни потврди за вакцинација и намерно уништил вакцини во вредност од 28.000 долари. Неговите дејства предизвикаа глобална осуда и отворија сериозни прашања за интегритетот на здравствениот систем во САД.
Одлуката на обвинителството да се повлече, без дополнителни објаснувања, предизвика бура од реакции на социјалните мрежи и меѓу јавноста. Многумина бараат одговорност и транспарентност, посочувајќи дека вакви постапки ја поткопуваат довербата во медицинските институции.
Додека едни го нарекуваат „херој што се спротивставил на системот“, други го осудуваат како опасен измамник кој ги изложил децата на ризик.
