Фото: Принтскрин
По повеќе од едно деноноќие, со големо олеснување заврши случајот со исчезнувањето на 34-годишната прилепчанка Биљана Јандреска Андоноска. Нејзиното семејство вечерва ја сподели најубавата можна вест – Биљана е пронајдена жива и здрава.
Нејзиното исчезнување беше пријавено до Министерството за внатрешни работи, по што следуваше координирана акција на полицијата и семејството, која мобилизираше и голем број граѓани преку социјалните мрежи.
Семејството преку Facebook им се заблагодари на сите кои учествуваа и понудија помош во потрагата, споделувајќи ја кратката, но силна порака:
„Благодариме на сите за поддршката – Биљана е пронајдена, жива е!“
