Фото: Македонска Tаеквондо Федерација, Macedonian Тaekwondo Federation WT
Младата македонска таеквондистка Душица Бреслиева запиша историски успех на Европскиот младински олимписки фестивал (ЕМОФ), кој оваа година се одржува во Скопје. Таа стана првата македонска претставничка од боречките спортови што изборила победа на ова значајно натпреварување.
Во рамките на таеквондо турнирот, Бреслиева убедливо ја совлада претставничката на Норвешка, Матеа Јакобсен, со резултат 2-0 во рундите, покажувајќи техничка зрелост и борбен дух.
Со оваа победа таа обезбеди пласман во следната фаза од натпреварувањето, каде ја очекува дуел со силната украинска натпреварувачка Анастасија Хаиворонска.
