Фото: Принтскрин
Првиот вицепремиер и висок функционер на коалицијата ВЛЕН, Изет Меџити, во интервју за телевизијата Канал 5 остро ја нападна Демократската унија за интеграција (ДУИ) и нивниот кандидат за градоначалник на Чаир, Бујар Османи.
Меџити не штедеше зборови, обвинувајќи ја ДУИ дека намерно молчи за горливиот проблем со урбаната мафија и нелегалната градба во општината, токму затоа што, како што вели, и нивниот кандидат има лична поврзаност со овој феномен.
„Секому му е веќе јасно зошто ДУИ го избегнува прашањето за дивоградбите во Чаир. Нивниот кандидат, Бујар Османи, според достапните информации, живее во објект без соодветна градежна дозвола. Каков морален кредибилитет може да има човек кој самиот е дел од проблемот?“, рече Меџити.
