Фото: Принтскрин
Министерот за надворешни работи, Тимчо Муцунски, одговори на обвинувањата за наводно приближување на земјата кон концептот на „српскиот свет“, истакнувајќи дека актуелната влада води самостојна и независна надворешна политика, водена исклучиво од интересите на државата.
На заедничката прес-конференција со неговиот марокански колега Насер Бурита, тој јасно ги отфрли ваквите тврдења, потенцирајќи:
„Ние сме македонски свет. Работиме на проширување на нашите надворешно-политички интереси“, рече Муцунски.
Тој додаде дека критиките најчесто доаѓаат од поранешни претставници на власта, за кои рече дека биле познати по тоа што ги прифаќале сите барања од соседните земји.
