Фото: Принтскрин
Невнимателно оставени свеќи предизвикаа пожар на гробиштата во селото Градец, во близина на Виница. Сувата трева и високите температури придонеле огнот брзо да се прошири, заканувајќи се да направи сериозна материјална штета и да ги зафати и околните површини.
За среќа, благодарение на навремената и ефикасна интервенција на противпожарните служби, огнот бил локализиран пред да предизвика поголеми последици. Според информациите што ги пренесе ТВ Стар, пожарот бил ставен под контрола пред да се прошири надвор од пределот на гробиштата.
