Фото: ДЗС
По добиена дојава преку бројот за итни случаи 112 за повреден планинар на Пелистер, Центарот за управување со кризи (ЦУК) веднаш ја активираше соодветната процедура за итно спасување со воздушна поддршка. Станува збор за планинар од Велес, кој се здобил со повреда додека престојувал на тешко пристапен терен на планината Пелистер, во близина на Битола.
Благодарение на брзата реакција и координација меѓу институциите, акцијата за спасување успешно беше реализирана во 12:30 часот. Интервенираа припадници на Министерството за внатрешни работи со хеликоптер, а во акцијата беше вклучена и специјалната полициска единица „Тигар“, која има искуство во вакви типови интервенции на непристапни локации.
Повредениот планинар беше успешно извлечен и транспортиран по воздушен пат до Градскиот стадион во Битола, каде што го презеде екипа од Итната медицинска помош.
