Фото: Принтскрин
Американскиот претседател Доналд Трамп повторно упати остри критики кон земјите од групата БРИКС, предупредувајќи дека САД би можеле да воведат царински мерки доколку сојузот добие посериозна форма.
„Чув кога првпат зборуваа за таа група БРИКС – тие шест држави… Јас веќе силно ги притиснав. И доколку навистина некогаш се обединат со вистинска намера, тоа нема да трае долго“, изјави Трамп, без прецизно да ги наведе државите-членки, пренесува агенцијата Ројтерс.
Тој подвлече дека ќе направи сè за да го заштити статусот на американскиот долар како водечка светска резервна валута. Воедно, остро се спротивстави на идејата за дигитален долар, нагласувајќи дека додека тој е на власт, централната банка на САД никогаш нема да воведе сопствена дигитална валута (CBDC).
