Фото: Принтскрин
Украинскиот претседател Володимир Зеленски во своето редовно вечерно обраќање до јавноста откри дека секретарот на Советот за национална безбедност и одбрана, Рустем Умеров, ѝ упатил официјална понуда на Русија за одржување нова рунда мировни преговори, која би се одржала веќе следната недела.
Зеленски ја истакна итната потреба од забрзување на дипломатскиот процес, оценувајќи дека секој изгубен ден значи продолжување на страдањата на народот. Тој апелираше до руската страна да престане да бега од одговорност и да прифати конкретни чекори кон деескалација.
„Време е за јасни одлуки – размена на заробеници, враќање на киднапираните деца, запирање на крвопролевањето. Потребен е директен состанок на највисоко ниво, со цел да се обезбеди вистински и траен мир. Украина е подготвена за таков дијалог“, изјави Зеленски.
