Фото: Принтскрин
Познатиот македонски актер Тони Михајловски, на јавноста добро познат и по прекарот Тони Шанац, повторно предизвика внимание со својата отворена и критичка изјава во подкастот „Претрес со Ландов“, каде зборуваше за односот со поранешниот премиер Зоран Заев и последиците од политичките одлуки поврзани со Преспанскиот договор.
Михајловски, кој и во минатото јавно се спротивставуваше на промената на уставното име, без заобиколување истакна дека се чувствува длабоко разочаран и изманипулиран од тогашната влада.
„Јас ништо помалку не сум го навредил Заев, отколку што тој мене ме навреди. Нè излажа сите,“ рече Михајловски во своето гостување, алудирајќи на чувството на предавство кое, според него, го делат многу граѓани.
Неговата критика е јасна алузија на настаните поврзани со потпишувањето на Преспанскиот договор.
