Фото: Принтскрин
Трагедија ја потресе српската јавност и туристите на Халкидики, откако 13-месечно бебе од Србија ненадејно почина додека со своето семејство престојувало во ресторан во Грција.
Според информации од грчките медиуми, трагичниот настан се случил пред очите на родителите, кои немоќно сведочеле на последните моменти на своето дете. Според првичните сознанија, детето се задавило со храна додека седело на маса со родителите – таткото на 31 и мајката на 32 години.
Инцидентот се случил околу 18 часот, кога малото дете почнало да покажува знаци на гушење. Родителите веднаш реагирале и се обиделе да му помогнат, додека во исто време била повикана и итна медицинска помош. Брзо пристигнала екипа на итната служба и бебето било пренесено во здравствениот дом во „Свети Никола“.
Поради сериозноста на состојбата, детето под итно било транспортирано во болницата во Полигиро. За жал, и покрај напорите на лекарите, детето било прогласено за мртво пред 20 часот.
